Денеска трите македонски претставници во Конференциската лига ги играат првите мечеви од стартната квалификациска рунда во третото по ранг клупско натпреварување на УЕФА.

Први на теренот ќе истрчаат фудбалерите на Македонија ЃП кои од 17 часот и 30 минути го пречекуваат летонскиот претставник РФС. Натпреварот се игра на терените на тренинг центарот Петар Милошевски.

За 19 часот закажан е почетокот на дуелот во кој Шкупи му гостува на Хегелман од Литванија, а во 20 и 30 на арената Тодор Проески, Шкендија е домаќин на претставникот на Велс, Хаверфордвест.

По нерешениот резултат на гостувањето во Литванија против Жалгирис на нашиот првак Струга ТЛ се очекува и во денешните дуели нашите претставници да забележат поволни резултати кои ќе им донесат мирни реванши за следната недела и по подолга пауза Македонија да има повеќе претставници во втората рунда од квалификациите во натпреварувањата на УЕФА.

ФОТО: Игор Паневски