Во машката трка на 200 метри, доминација на спринтерите од САД. По тројниот триумф на стотката идентичен подвиг и на двојно подолгата патека.

Ноа Лајлс славеше со време од 19 секунди и 31 стотинка што е нов национален рекорд и успеа за еден стоти дел од секундата да го надмине 26 години стариот резултат на Мајкл Џонсон поставен на Олимписките игри во Атланта, а воедно ова е и четврто најдобро време во историјата на оваа дисциплина.

Второто место му припадна на Кени Беднарек кој имаше време од 19.77 додека трет е 18 годишниот Ерион Најтон.

Кај дамите златниот медал во трката на 200 метри и припадна на Шерика Џексон од Јамајка. Таа на целта пристигна со резултат од 21 секунда и 45 стотинки што е за само 11 стоти дела побавно од светскиот рекорд на легендарната Флоренс Грифит Џојнер и ова втор најдобар резултат на сите времиња.

Со среброто се закити Шели Ен Фрејзер Прајс додека третото место го освои Британката, Дина Ашер Смит.