Дисциплинската комисија на УЕФА вечерва објави соопштение во кое се потенцира дека е отворена истрага против репрезентативецот на Албанија, Мирлинд Даку и тоа поради неспортско однесување по натпреварот со Хрватска.

Даку на крајот од средбата скандираше навредливи зборови за Македонците што беше прифатено и од навивачите на трибината.

УЕФА отвори и истрага за неспортското навивање за време на истиот натпревар и во извештајот се вели дека ќе се истражуваат навредите на расистичка и национална основа од страна на поддржувачите на двете селекции.