Холанѓанецот, Ботик ван де Зандшулп го направи најголемото изненадување во шеснаестина финалето на вториот турнир од Мастерс серијата што се одржува во Мајами.

Триесет и вториот тенисер на светот во три сета со 3:6,6:4 и 6:4 го совлада третиот фаворит на турнирот Данецот, Каспер Руд.

Светскиот рекет број 1, Карлос Алкараз беше поуспешен од Душан Лајовиќ совладувајќи го со 6:0 и 7:5, а фаворитот број 4, Данил Медведев забележа победа во дуелот против Алекс Молчан од Словачка.

Шестиот носител Андреј Рубљов го елиминираше Миомир Кецмановиќ, Холгер Руне триумфираше над Диего Шварцман, а Тејлор Фриц го совлада Денис Шаповалов.

Пласман во осминафиналето обезбедија уште Јаник Синер, Томи Пол и Емил Русовуори кој славеше во дуелот против Таро Даниел.

ФОТО: Игор Паневски