Фудбалскиот клуб Вардар минува низ најтешкиот период од својата 75-годишна историја. Најтрофејниот македонски клуб е препуштен сам на себе. Само неколкумина вистински „вардарци“ останаа да се борат за „црвено-црните“ бои.

Во надеж дека наскоро ќе дојдат подобри денови, Вардар одбива да се предаде. Моментално е лидер на табелата во Втората македонска фудбалска лига, а фудбалерите и стручниот штаб најавуваат дека ќе се борат до крај да го вратат најтрофејниот клуб назад во елитата.