Македонската фудбалска репрезентација ги почна подготовките за претстојниот квалификациски дуел против Малта, а четири дена подоцна не очекува и контролно соочување со Фарските острови.

Селекторот Благоја Милевски на првиот тренинг поради обврски кон клубовите ги немаше на располагање сите фудбалери, но тука беше единствениот дебитант во националниот тим, Давор Здравковски.

“Голема чест и задоволство е да се биде дел од репрезентацијата, секој млад фудбалер сонува да биде повикан во националниот тим. Чест и задоволство ми е да сум тука и секако дека сум да се ставам во функција на тимот и барањата на тренерот. Ова е прв натпревар во овој циклус, но Македонија секогаш има една цел, а тоа е да постигнеме позитивен резултат и доколку одиграме онака како што знаеме на крајот очекувам победа”, рече поранешниот член на селекцијата до 21 година.

Македонија е фаворит во дуелот со Малта, но во нашиот состав никој не се сомнева дека овој циклус ќе го отвориме со победа.

“Се разбира дека имаме притисок, но тоа значи и дека сега имаме поголем предизвик за да одиграме најдобро што можеме и квалификациите да ги отвориме со победа”, заврши Здравковски.

Натпреварот против Малта се игра на 23 овој месец на арената Тодор Проески и почнува во 20 часот и 45 минути.

ФОТО: Игор Паневски