Познати се и групите за првата фаза од третото по ранг европско клупско натпреварување во фудбал, Лигата на Конференции на УЕФА.

Жрепката одреди во Д групата Партизан, Келн, Ница и Словачко да се борат за првите две позиции кои водат во следната рунда.

Ерменскиот претставник Пјуник на Марјан Радески е дел од Х групата заедно со Базел, Слован Братислава и Жалгирис.

Дебитантот Балкани кој го елиминираше Шкупи е во конкуренција со Славија Прага, Клуж и Сиваспор, а претставникот на Лихтенштајн, Вадуз за место во следната рунда ќе се соочи со АЗ Алкмар, Аполон и Днипро.

ФУДБАЛ – КОНФЕРЕНЦИСКА ЛИГА НА УЕФА

А ГРУПА

Башакшехир, Фиорентина, Хартс, Рига

Б ГРУПА

Вест Хем, Стеауа, Андерлехт, Силкеборг

Ц ГРУПА

Вилјареал, Хапоел Бер Шева, Австрија Виена, Лех Познањ

Д ГРУПА

Партизан, Келн, Ница, Словачко

Е ГРУПА

АЗ Алкмар, Аполон, Вадуз, Днипро

Ф ГРУПА

Гент, Молде, Шамрок, Дјургарден

Г ГРУПА

Славија Прага, Клуж, Сиваспор, Балкани

Х ГРУПА

Базел, Слован Братислава, Жалгирис, Пјуник