Челниците на Американско-канадската професионална хокеарска лига и синдикатот на играчите ги договорија условите за продолжување на сезоната која е закажана за први август.

Во натпреварувањето ќе учествуваат сите 24 екипи, а со групни тренинзи ќе се почне на 13 јули, а секој тим ќе може да пријави по 30 хокеари и неограничен број на голмани.

Сите хокеари, тренери и помошен персонал како и вработените во хотелите ќе бидат секојдневно тестирани, а позитивните ќе мора да заминат во изолација.

Договорот треба да биде потпишан утре, а сезоната треба да се игра во Торонто и Едмонтон.