Денеска стартуваше јубилејното 70-то издание на новогодишната турнеја „Четири скокалници“, а победник на првото натпреварување во Оберздорф е Рјоју Кобајаши.

Јапонскиот ски-скокач победата ја оствари со неверојатниот скок од 141 метар во втората серија, бидејќи по првата беше само на петтото место.

Winning jump: Ryoyu Kobayashi / #Oberstdorf, December 29, 2021#skijumping #FISskijumping pic.twitter.com/ko7JPql7Wk

— FIS Ski Jumping (@FISskijumping) December 29, 2021

На победничкиот подиум имаше место за двајца Норвежани. Халвор Егнер Гранеруд и Роберт Јохансон.

Во генералниот поредок во Светскиот куп води Карл Гајгер со 639 поени, пред Кобајаши, кој има 596.

Новогодишната турнеја продолжува во Гармиш на 31 декември за кога се закажани квалификациите, а официјалниот натпревар е на 1 јануари 2022 година.