По одлуката на здравствените власти за примена на ригорозни мерки во справување со ширењето на епидемијата во областа Источен Мидленд, Лестер предлага дуелот против Кристал Палас што треба да се игра кон крајот на неделава да се одложи или пак да се игра на неутрален терен.

Поради ширењето на епидемијата донесена е одлука за затворање на сите продавници и училишта, а се предвидува и ограничено движење во целиот регион и поради тоа отежната е целата организација на натпреварот.

Во текот на денот се очекува состанок на челниците на Премиер лигата по што ќе биде позната и конечната одлука.