Европската ракометна федерација соопшти дека Вардар со службен резултат го доби дуелот против Мешков Брест кој претходно беше дисквалификуван од настапите во Лигата на шампионите.

Без разлика на епилогот на последниот натпревар од фазата по групи против Елверум, Вардар ќе го освои петтото место и на едно коло пред крајот го обезбеди учеството во елиминациската рунда од елитното натпреварување.

Со оглед на пласманот на екипите во Б групата противник на “црвено-црните” во осминафиналето ќе им биде Веспрем кој овој сегмент од натпреварувањето го заврши на четвртата позиција.

Доколку составот предвоеден од Давид Дејвис успее да го мине првакот на Унгарија во четврт-финалето ќе се сретне од победникот од дуелот меѓу Алборг и Кил.