На Купот на Африкански нации во фудбал денеска ќе бидат познати првите четврт-финалисти. На програмата се два натпревари, а најголемо внимание привлекува дуелот на поранешните шампиони Нигерија и Тунис.

По три години двете селекции повторно се среќаваат во елиминациската фаза од континенталното натпреварување. Нигерија на последното првенство што се одржа во Египет успеа да го совлада ривалот во мечот за третата позиција и по неуспехот во 2015-тата повторно да се најде во самиот врв на африканскиот фудбал. Нигерија на турнирот игра во одлична форма, три натпревари во фазата по групи, исто толку победи и само еден примен гол.

На спротивната страна Тунис едвај успеа да го мине првиот круг и тоа во конкуренција на селекции каде беше прогласен за апсолутен фаворит. Тунижаните забележаа само една победа што беше доволно за влез во осминафиналето.

Дуелот на шампионите почнува во 20 часот додека за 17 е закажан почетокот на првото осминафинале во кое Буркина Фасо е фаворит во соочувањето со Габон.

ФОТО: Игор Паневски