На тренинг центарот на ФФМ „Петар Милошевски“, сениорите  го  оддржа последниот тренинг пред утрешното патување за Грузија. Селекторот Игор Ангеловски, им даде поштеда на  репрезентативците кои го одиграа вчерашниот натпревар против Ерменија на кој победивме со 2:1 на стартот од  новото издание од Лига на нации.За мечот со Грузија,Ангеловски нема да смета на повредените Иван Тричковски и Кире Ристевски.Напаѓачот Тричковски има поголем хематом на левата надколеница,додека дефанзивецот Ристевски има истегнување и хематом на адукторот на десниот бут.Натпреварот меѓу Грузија и Македонија од 2. коло во групата Ц од Лига на нации се игра на 8. септември во Тбилиси.