По четири месеци пауза фудбалот повторно ќе се врати на терените во земјава. Фудбалската федерација ги утврди термините за одигрување на бараж мечевите за пласман во втората лига.

Денеска беа одредени двојките за пополнување на втората фудбалска лига. На седми овој месец на Градскиот стадион во Тетово Чаклани ќе се соочи со Фортуна, три дена подоцна Чаклани игра против Велешта додека на 13 јули Велешта се среќава со Фортуна.

На 10 јули во Штип, Росоман за противник ја има Слога од Виница. Сите натпревари стартуваат од 17 часот и ќе се играат без присуство на гледачи, а клубовите се должи да ги почитуваат сите мерки и препораки што се наоѓаат во Протоколот за заштита на здравјето.