СВР Охрид информира дека на 26.04.2026 во 21:05 часот во СВР Охрид е пријавено дека околу 14:00 часот две лица со параглајдер се спуштиле на пешачката патека после каналот „Студенчишта“ во Охрид, по што паднале на плочникот.

Притоа, дел од опремата на параглајдерот ја зафатила електричната канделабра поставена на централниот дел од патеката која се скршила и паднала на пешачката лента.

Во СВР Охрид, до овој момент нема пријава за повредени лица, а во консултација со јавен обвинител, се преземаат мерки за расчистување на случајот.

Телма објави дека параглајдерист изгубил контрола при слетување, по што настанал инцидент на патеката кај „Куба Либре“ во Охрид. Како што може да се види од видеото на социјалните мрежи, леталото се движело ниско, директно кон пешаците кои биле на патеката.

(Видео) Во обид да не настрадаат луѓе, Параглајдер удри во канделабра кај „Куба Либре“ во Охрид