Биометрискиот систем на ЕУ одбил влез на 32.000 патници. Oдбивањата се евидентирани во повеќе земји, вклучувајќи ги Португалија, Шпанија, Франција, Италија, Германија, Грција и Холандија, од каде најмногу влегуваат патници надвор од Шенген зоната.

Според EuroWeeklyNews, за време на почетната фаза на EES, регистрирани се повеќе од 52 милиони гранични премини.

Влезот во земјата може да биде одбиен од различни причини, вклучувајќи неважечки патни документи или недоволен доказ за целта на патувањето. Недоволните финансиски средства се исто така една од причините за одбивање, како и проблеми со визите.

Само 700 од одбиените случаи се поврзани со безбедноста. Сепак, некои од предупредувањата дури можат да потврдат и претходни пречекорувања на дозволениот престој, прекршувања на имиграциските прописи или ограничувања за патување издадени од локалните власти.