Руските власти и официјално поднесоа обвинение против притворениот новинар на „Волстрит Журнал“, Иван Гершкович кој се товари за шпионажа, објави руската новинска агенција ТАСС.

Според рускиот правен систем, поднесувањето на обвинение значи формален почеток на кривична истрага.

Руските власти го уапсија Гершкович во текот на минатата недела, под сомнение дека се обидел да добие доверливи информации за фабрика за оружје во Русија. „Волстрит Журнал“ ги отфрли обвинувањата дека нивниот дописник од Москва бил вклучен во такви активности.