Во скопско Влае пукна една од главните водоводни цевки поради што делови од градот останаа без нормален доток на вода. На снимките кои ги објави Телма се гледа улица прекриена со вода, а повеќе куќи, подруми и дворови според жителите се поплавени.

Од ЈП „Водовод и канализација“ – Скопје информираат дека дефектот е на улицата Франце Прешерн бр. 100Д, каде пукнала цевка со дијаметар од 600 милиметри.

„Поради сериозен дефект, со прекинато водоснабдување ќе биде голем дел од градот, а останатиот дел ќе биде со намален притисок. Водоснабдувањето ќе биде прекинато до завршување на работните активности,“ соопштија од претпријатието.

Во моментов со проблеми во снабдувањето со вода се делови од Хром, Ѓорче Петров, Влае и Карпош, а во Центар, Аеродром и други населби е намален притисокот.

Од „Водовод“ засега нема официјална информација до кога ќе трае санирањето на дефектот. Екипи на Водовод се на терен и го заградија местото каде пукна цевката.

 

View this post on Instagram

 

A post shared by Тв Телма / TV Telma (@tvtelma)