Републичкиот јавен обвинител Љубомир Јовески седна на столчето за сведоци во Анкетната комисија за случајот Онкологија, но не откри многу детали. Посочи дека се работи за обемен предмет кој опфаќа подолг период и се води во две насоки базирани на финансиските извештаи и на медицинската документација.

Пратениците, пред `се оние од опозицијата, поставија серија прашања.

Јовески објасни дека извештајот на Заводот за ревизија стигнал во Обвинителството не во март туку кон крајот на август. Ги повика политичарите да не се мешаат во истрагата и паралелно да не работат на утврдување кривична одговорност.

Јовески повика доколку некој располага со некакви нови докази, да ги достави до Обвинителството. Но, ако се работи за службени документи, институциите веќе располагаат со нив.

Соња Николовска