Американски носач на авиони на нуклеарен погон пристигна во Јужна Кореја на тринасочна вежба во која учество најави и Јапонија, позната како „Работ на слободата“.

Пристигнувањето на ударната американска група дојде еден ден откако Јужна Кореја го повика рускиот амбасадор во знак на протест поради договорот постигнат меѓу рускиот претседател Владимир Путин и севернокорејскиот лидер Ким Џонг Ун оваа недела, со кој се ветува заемна одбранбена помош во случај на војна.

Контраадмиралот Кристофер Александер, вели дека вежбата не била темпирана да испрати порака до Русија или Северна Кореја.

Соочени со растечките закани од Северна Кореја, Соединетите Држави, Јужна Кореја и Јапонија ја проширија својата комбинирана обука и ја зголемија видливоста на стратешките воени средства на САД во регионот, настојувајќи да го заплашат Северот.

Соединетите држави и Јужна Кореја, исто така, ги ажурираа своите стратегии за нуклеарно одвраќање, при што Сеул бара посилни гаранции дека Вашингтон брзо и решително ќе ги искористи своите нуклеарни капацитети за да го одбрани својот сојузник од евентуален севернокорејски нуклеарен напад.