Ардијан Демири од Советот на јавни обвинители и Данка Ристова од Судски совет ги отфрлаат обвинувањата дека се партиски инсталации во овие две тела.
Ристова вели дека доволен доказ дека е компетентна се повеќе од 30 години поминати во правосудството, од приправник досега. Тврди дека нема простор за политички влијанија во работата.
Вели дека клучно сега ќе биде да се најде начин како судството да се справи со недостатокот на судии. Новиот член на Советот за јавни обвинители и двајцата во Судскиот совет денеска дадоа свечени изјави во Собранието.
