Поранешниот американски претседател Џо Бајден во своето прво интервју откако ја напушти Белата куќа изјави дека притисокот на неговиот наследник Доналд Трамп врз Украина да ѝ предаде територија на Русија е форма на модерно попуштање кое никогаш нема да ја задоволи Москва.

Во интервју за Би-Би-Си, Бајден рече дека рускиот претседател Владимир Путин верува дека Украина е дел од „Русија“ и дека секој што мисли „дека тој ќе престане е едноставно наивен“.

Бајден изрази загриженост дека Европа ќе „изгуби доверба“ во доследноста и лидерството на Америка. Бајден го критикуваше и начинот на комуницирање на Трамп и објавувањето дека ќе ги преземе Панама и Гренланд и дека Канада мора да стане 51-ва федерална држава на САД.