Околу 10.000 патници ја минале македонско-грчката граница кај Гевгелија во последните 24 часа и се упатиле на продолжен викенд во Грција. Најголемиот дел од нив поминале вчера во попладневните и вечерните часови.

Стенд ап : Се наоѓаме на меѓупросторот на македонско-грчката граница Богородица-Евзоно. Зад мене е граничниот премин Евзони и тој е буквално празен. Според македонските гранични служби отворени биле сите шалтери за влез во Грција и задржувањето не е подолго од пет минути.

Утрово патниците беа затекнати,  очекувале повеќе гужва и биле подготвени за чекање.

– Не знаеме на другата страна што се случува, ама на оваа сме задоволни, вели патничка.

 

– За нас не е проблем и да почекаме еден ден, куќата си ја носиме со себе, но тоа брзо оди. Сега бевме и за Унгарија, минавме брзо, вели патник од Србија.

Од денеска Веропската Унија почнува да го применува ЕЕС системот за контрола на влез и излез од унијата за патници кои не се членки на ЕУ. Станува збор за нов, модерен дигитализиран систем кој ги опфаќа датумот на влез и излез, обработка на биометриски податоци.

Од денеска транзициониот период завршува а сите надворешни гранични премини на ЕУ функционираат исклучиво со дигитална евиденција. Со тоа очекуваат да се подобри контролата на престој за граѓани надвор од унијата, но и поголема безбедност.

Сузана Мицева