Европјаните нема да гинат за Донбас, порача шефот на дипломатијата на Европската Унија (ЕУ), Жосеп Борел пред почетокот на самитот на ЕУ во Брисел.

„Не треба да ги плашите луѓето дека војната е неизбежна. Потребата за поддршка на Украина е неизбежна. Не станува збор за умирање за Донбас, туку за помош за Украинците“, изјави европскиот дипломат, пренесува РИА Новости.

Изјавата на Борел доаѓа по неодамнешните зборови на францускиот претседател, Емануел Макрон за можно испраќање на европски трупи во помош на Киев.