Денеска Бугарија ѝ се придружи на зоната со единствена валута, што е значајна пресвртница во нејзината евроинтеграција и покрај одредена доза негодување во самата земја.
Самопрогласената „единствена патриотска партија во Бугарија“ Преродба (Вазраждане) организираше протести против усвојувањето на еврото, тврдејќи дека ќе го поткопало националниот суверенитет и ќе му наштетело на животниот стандард.
Портпаролот на ЕК, сепак, потврди дека одлуките за пристапување на Бугарија во еврозоната се конечни и не можат да се поништат.
Кон средината на декември, бугарската влада предводена од премиерот Росен Жељазков поднесе оставка поттикната од јавниот гнев поради нејзините економски политики и очигледниот неуспех во справувањето со широко распространетата корупција.
Претседателката на Европската централна банка, Кристин Лагард, изјави дека приклучувањето на Бугарија кон еврозоната е доказ за способноста на Европа да соработува и да се спротивстави на меѓународните предизвици.
🇧🇬🇪🇺 As we step into 2026, we proudly welcome Bulgaria to the euro family!
Our sincere thanks to the Bulgarian National Bank for its dedicated work and commitment in preparing for the adoption of the euro.
Wishing everyone a happy and successful New Year! pic.twitter.com/N2Xc2aJ5F5
— Christine Lagarde (@Lagarde) December 31, 2025
Фото: Протести во Бугарија против корупцијата, не го сакаат еврото и бараат фер избори
Б.С.
