Денеска завршува вториот повик на Град Скопје за пријавување на заинтересирани приватни превозници кои би го пополниле возниот ред на ЈСП на линиите 20 и 22.

Првиот оглас заврши без успех иако претходно градоначалничката Арсовска беше убедена дека брзо ќе изнајде решение за настанатиот проблем со градскиот превоз.

Во меѓувреме Слобода превоз и Макекспрес ја очекуваат долгонајавуваната средба со премиерот Димитар Ковачевска откако беа условите кој тој ги постави за да седнат на заедничка маса, првиот да ги повлечат автобусите од блокадите, а вториот УЈП да изгодви извештај за работењето  на јавниот превоз.

Сепак средбата се чини стана историска бидејчи приватните превозници месец дена чекаат УЈП и Финансова полиција да ја завршат контролата во ЈСП. Извештајот на УЈП за работењето на јавниот превоз е клучен за трио средбата Влада-приватни превозници- град Скопје.

Постапката сè уште е во тек. Освен УЈП, вклучени се и други институции. По завршување на сите неопходни процедури, ќе бидеме во можност да ја информираме јавноста за детали и конечен исход, велат од ЈСП.