Нобеловата награда за мир му беше доделена на Нихон Хиданкио, јапонска организација на преживеаните од атомските бомбардирања на Хирошима и Нагасаки, за нејзиниот активизам против нуклеарното оружје.

Јорген Ватне Фриднес, претседател на Норвешкиот Нобелов комитет рече дека наградата и е доделена на организацијата „за нејзините напори да постигне свет без нуклеарно оружје и за демонстрацијата против нуклеарното оружје никогаш повеќе да не се користи“.

„Се надевам дека обидот на Хиданкио да биде меѓународно признат со освојувањето на Нобеловата награда за мир ќе биде движечка сила за остварување на свет без нуклеарно оружје“ изјави Широ Сузуки, градоначалник на Нагасаки.

Овогодинешната награда беше доделена во позадина на разорни конфликти кои беснеат во светот, особено на Блискиот Исток, Украина и Судан.