Закани за поставени бомби претпладнево, покрај на Меѓународниот аеродром во Скопје, се добиени и во хотелот „Александар Палас“, спортскиот центар „Борис Трајковски“, Фудбалската федерација на Македонија, Националната арена „Тодор Проески“, фудбалските клубови, Вардар и Работнички.

Персоналот и гостите во хотелот „Александар Палас“ се надвор, пред објектот. Таму, за 10 часот претпладнево, беше најавено отворање на конференција во организација на Советот за унапредување на високото образование и стратешки истражувања во рамки на Стопанска комора на Северна Македонија на која треба да се обратат премиерот Димитар Ковачевски и министрите за економија и за финансии Крешник Бектеши и Фатмир Бесими.