Во текот на вчерашниот ден две деца на возраст од три и четири години од Куманово се затруле со течност за земјоделски култури. Засега нема информации како дошле до течноста.

„На 15.03.2026 во 11:52 часот во СВР Куманово, од Општа болница Куманово е пријавено дека кај нив биле донесени две деца на возраст од три и четири години од кумановско, кои биле затруени од течност која се користи за земјоделски култури, информираат од Секторот за внатрешни работи“, соопштуваат од полицијата. 

Децата се примени во болницата во Куманово каде што констатирале дека биле во добра општа состојба со стабилни параметри, но дополнително се префрлени во ЈЗУ Универзитетска клиника за детски болести во Скопје.

Т.Д.