Еден маж е уапсен во Тампа, Флорида, во масовно пукање што избувна за време на прославата на Ноќта на вештерките рано во неделата. Две лица загинаа, а најмалку 18 се повредени, соопшти полицијата. Најмалку двајца напаѓачи отвориле оган по предходна тепачка меѓу две групи.

Тепачката се случила во област со неколку барови и клубови, позната по ноќниот живот. Видеото објавено на интернет се гледаат луѓе, многумина во костими за Ноќта на вештерките, како пијат и се зборуваат на улица кога одекнуваат десетина истрели, а неколку секунди подоцна следеле уште осум. Настанало стампедо, при што многумина паднале на земја. Повредените се пренесени во околните болници.

-Сакам да ви кажам дека сме денеска тука со уапсен еден осомничен и благодарение на луѓето од заедницата кои се јавија утринава. Бев надвор и барав изјави. Добивме информации, многу совети врз основа на кои можеме да го обвиниме 22-годишниот Тајрел Стивен Филипс за убиство од втор степен со огнено оружје. Нашиот број на жртви е 18. Имаме двајца починати. 14-годишник и 22-годишник. Од нив, 15 се застрелани, а друг има сериозни повреди, објави Ли Беркау, полициски началник во Тампа.