Во напад со тешко оружје врз станбен блок во градот Белгород во јужниот пограничен регион на Русија загина едно лице, објавија денеска медиумите и официјални лица, јави ДПА.

Според првичните наоди на руските истражители, една жена загина, а 29 лица се повредени.

Регионалниот гувернер, Вјачеслав Гладков ја обвини украинската војска за „масовното гранатирање“.

На социјалните мрежи се објавени фотографии од зграда од која од ударот е разнесен цел дел од станови.