Најголемата ниско-буџетна авиокомпанија Визер денеска најави дека ги суспендира сите летови помеѓу Италија и Македонија до 31 јули како резултат на рестрикциите за патување од страна на италијанските власти наменети за летовите до земјава.

Патниците со резервирани билети погодени од овие суспендирани летови кои ги направиле резервациите директно на интернет страницата на авиокомпанијата, ќе бидат автоматски известени преку електронска порака.

120% од целата сума ќе им бидe автоматски префрлена на сметката на корисникот, и истите ќе можат да ги искористат во текот на наредните 24 месеци за купување на сите производи и услуги на Wizz Air.