Претседателката на Европската комисија, Урсула фон дер Лајен, најави дека ЕУ ќе исплати речиси шест милијарди евра на Украина од програмата за Економски и финансиски реформи и од Украинскиот механизам, за поддршка на одбраната и економијата на земјата.

Таа нагласи дека Русија не може да ја надвладее Украина и дека Европа ќе продолжи да ги зголемува трошоците за војната со Русија.

Фон дер Лајен додаде дека за следните две години финансиските потреби на Украина можат да се покријат и со користење на замрзнатите руски средства, при што третата опција, „заем за репарација“, ја оцени како најефикасна.

Таа повика на нов импулс и единство на европските земји за натамошна поддршка на Украина и притисок врз Русија.

T.Д.