Министерот за правда Игор Филков изјави дека до Министерството сè уште не се доставени номинации од Собранието за формирање работна група за подготовка на нов Изборен законик.

Тој појасни дека биле испратени два официјални дописи до Собранието – на 31 декември 2025 и на 20 јануари 2026 година.

Филков нагласи дека од Собранието се очекува да номинира по двајца претставници од парламентарните партии и независните пратеници, по што ќе може да се формира работната група и да се започне со изработка на законското решение.

Министерот потсети дека Изборниот законик досега претрпел околу 40 измени, кои поради парцијалниот пристап создале неконзистентност во законот, и додаде дека за негово ново уредување е неопходен широк политички консензус од сите партии.