По четвртина со сирење и со месо и чашка јогурт. Така почна посетата на унгарскиот премиер Виктор Орбан на Србија кој беше дочекан од претседателот Александар Вучиќ во Суботица. Прва станица во протоколот беше бурекџилницата „Мичко“, каде двајцата лидери појадуваа.

Вучиќ на Фејсбук објави фотографии од бурекџилницата „Мичко“ крај кои напиша дека наместо формални разговори на голема маса, со Орбан одлучил „да решава стратешки теми со топол бурек“. Притоа нагласи оти пријателството меѓу Србија и Унгарија одамна е посилно од протокол и оти средбата „ја зачиниле со добар разговор и уште подобар бурек“.

С.Д.