Шефот на Меѓународна агенција за атомска енергија, Рафаел Гроси, изјави дека поголемиот дел од високо збогатениот ураниум на Иран сè уште се наоѓа во нуклеарниот комплекс во Исфахан, и покрај воздушните напади извршени минатата година и поновите инциденти.

Според Гроси, агенцијата располага со сателитски снимки кои ги покажуваат последиците од нападите, изведени од САД и Израел.

Тој нагласи дека Меѓународната агенција сака да изврши инспекција на локацијата за да утврди дали нуклеарниот материјал е сè уште таму и дали безбедносните пломби поставени од инспекторите се недопрени.

Покрај Исфахан, агенцијата има намера да ги провери и постројките во Натанц и Фордо, каде исто така се наоѓа нуклеарен материјал.

Овие инспекции се сметаат за клучни за следење на иранската нуклеарна програма и проценка на безбедносните ризици.