Генералниот секретар на ОН, Антонио Гутереш, порача дека е можно во „УНРВА“ – главната агенција на ОН што обезбедува помош во Појасот Газа – да се инфилтрирани милитанти од Хамас, но тој рече дека неопходните мерки биле преземени веднаш.

„Можеби имало инфилтрации од Хамас и препознавме дека тие инфилтрации доведоа, со одреден кредибилитет, до учество на некои од овие елементи во настаните на 7 октомври“, рече Министерот Самех Шукри во новата административна престолнина на Египет.

Агенцијата УНРВА е обвинета од израелските власти дека некои од нејзините 13.000 членови на персоналот, со седиште во Газа, учествувале во нападите на Хамас на 7 октомври во јужен Израел.

По обвинувањата, мал број од персоналот на агенцијата беа отпуштени.

Израел тврди дека 450 вработени во „УНРВА“ биле членови на милитантни групи во Газа, иако не обезбеди никакви докази.

Гутереш, исто така, ги повтори повиците за итен прекин на огнот во зафатената од војна Газа и да се дозволи хуманитарна помош да стигне до гладното население во крајбрежната енклава.