Излегувањето во јавност и давањето на потпис за независна листа значи ризик за граѓаните, смета Габриела Илиевска од „Поинаку“ од Битола во вечерашната дебата во „Вин-Вин“ на ТВ Телма.

„Оние луѓе кои што се вработени во државни институции се декларирани на ваков или таков начин. Ќе се соочат со притисоци, а тие притисоци значат закана по работното место, сликање доколку одат во канцеларијата на ДИК да се потпишат, јавување на телефон од типот „немој утре, друг ден, да бараш некаква наша т.н. услуга“, уценување со нивни блиски кои работат во државните институции, итн. Проблемот се зголемува баш заради тоа што, ако пред пет години нас, ние постоиме од 2017 година, ако во 2017 година нас не нè перцепирале, денес, во 2025 година, се фокусирани да направат се, за да не успееме“, истакна Илиеска.