Иран, воспоставува повеќеслоен систем за контрола на пловидбата низ Ормускиот теснец, клучна морска рута низ која поминува околу една петтина од светската нафта.

Овој систем вклучува владини договори, строга проверка на бродовите и во некои случаи наплата на „такси“ за безбеден премин, додека глобалните енергетски текови се нарушени поради регионалниот конфликт.

Во еден од инцидентите за кои пренесува Ројтерс, танкер со ирачка нафта на пат кон Виетнам бил задржан и проверуван од Иранската Револуционерна гарда во близина на островот Хормуз.

Иако првично бил пуштен да помине, бродот подоцна бил запрен поради сомнежи за шверц, по што следела повеќечасовна проверка пред да добие дозвола за продолжување.

Извештајот наведува дека ваквиот пристап му дава на Техеран поголемо де факто влијание врз една од најважните светски трговски рути, што предизвикува загриженост кај меѓународните бродски компании и влади.

САД, повикуваат да не се прифаќаат ваквите ирански механизми за контрола, додека дел од државите и превозниците сепак продолжуваат со транзит поради енергетските потреби.