Нетанјаху го прифати рамковниот предлог на американскиот претседател Џо Бајден за крај на војната во Газа, иако договорот не е добар, изјави Офир Фалк, советник на израелскиот премиер, во интервју за „Сандеј Тајмс“. Според него, сепак, остануваат многу детали за разработка, додавајќи дека израелските услови, вклучително и ослободување на преостанатите заложници и уништување на Хамас, остануваат непроменети. Планот е прифатливи и за палестинската милитантна организација чии претставници изјавија дека не се запознати со сите детали.

Два крајнодесничарски партнери на Нетанјаху се заканија со напуштање на владата, доколку премиерот се согласи за крај на војната пред елиминација на Хамас.

Бајден пред два дена изнесе план кој предвидува прекин на огнот во траење од шест месеци, преговори за условите за траен прекин на непријателствата и обнова на Газа.

Израелскиот претседател Исак Херцог се заблагодари на напорите на неговиот американски колега за ослободување на киднапираните заложници и најави безрезервна поддршка за премиерот Нетанјаху.