Германскиот канцелар Фридрих Мерц денеска ја бранеше новата, построга миграциска политика на владата, нагласувајќи дека таа е усогласена со европските обврски на Германија.

На партиска конференција на ЦДУ во Штутгарт, Мерц изјави дека целта е заедничко решавање на проблемот, но дека Германија не може да ги носи последиците сама.

Новата политика, потврдена и во коалицискиот договор со ЦСУ и СПД, предвидува одбивање на баратели на азил на заедничките граници со согласност на европските соседи.

Министерот за внатрешни работи Александар Добринт најави засилени гранични контроли.

Полскиот премиер Доналд Туск и Швајцарија ја критикуваа оваа политика, но Мерц посочи дека бројот на влезени баратели на азил веќе се намалил.

Тој вети дека новите мерки ќе им овозможат на градовите и општините да се стабилизираат, а Германија повторно да биде „отворена, толерантна и пријателска земја кон странците“.