Илјадници Грузијци петта ноќ протестираа во главниот град Тбилиси. Дел од нив се судрија и со полицијата која употреби солзавец и водени топови за нивно растерување пред парламентот.

Немирите во Грузија следуваа по одлуката на владеачката „Грузиски сон“ за „замрзнување“ на преговорите за пристап во Европската Унија до 2028 година. Билансот на досегашните протести е над 220 приведени лица и 113 повредени полицајци.

За насилствата, грузискиот премиер Иракли Кобахидзе го впери прстот во европските политичари и бирократи, како и локални агенти. Им порача дека „украинизација’ на Грузија нема да им успее.