Државниот јавен обвинител, Љупчо Коцевски на прес-конференција попладнево во Кочани изјави дека осомничените лица во дискотеката „Пулс“ и членови на обезбедувањето не спречиле, за потребите на настапот на групата ДНК, да се внесат во објектот и да се употребат експлозивни материи, пиротехнички фонтани, иако за тоа дејствие немале задолжителна дозвола издадена од надлежни органи за да ракуваат со пиротехничките средства, ниту пак просторните услови дозволувале употреба на такви пиротехнички средства.

„За внесување и употреба на пиротехничките средства е осомничен и еден член на музичката група и постои сомнение дека членовите на бендот околу 02:32 часот по полноќ, како дел од сценскиот настап и ефект, ги активирале експлозивните материи, пиротехнички фонтани кои исфрлале искри во правец на таванот, над сцената од кои веднаш се опожарил кровниот дел од објектот и пожарот се проѓирил во целиот објект“, изјави Коцевски.