Скопјани и натаму немаат градска куќа, седиште на градската администрација за која првично, договорите за изградба беа потпишани на сума од околу 20 милиони евра. Пред пет години, изградената Градска куќа беше продадена за помалку од 13 милиони евра.

Поранешниот советник на ВМРО-ДПМНЕ и ексминистер за правда, Михајло Маневски поднесе кривична пријава, но таа во јануари оваа година била отфрлена. Но, потоа ЕВН го известува Маневски за сумата за која ја купила градската куќа и дека за трансакцијата не е платен ДДВ.

Со новите докази, обвинителството ја рестартира истрагата, а сопствена истрага води и финансиската полиција, открива КОД во своето денешно издание.