Рускиот претседател Владимир Путин е отворен за дијалог со германскиот канцелар Олаф Шолц, изјави портпаролот на Кремљ, Дмитриј Песков, за агенцијата Интерфакс.

Песков нагласи дека Русија останува отворена за контакти, но дека не примила предлог за телефонски разговор од германска страна.

Изјавата доаѓа по коментарите на германската министерка за надворешни работи, Аналена Бербок, која изрази загриженост дека Путин не сака да разговара со Шолц.

Шолц неодамна истакна дека е важно да се истражат можностите за мир, иако последниот телефонски разговор помеѓу двајцата лидери се случи во декември 2022 година, кога Шолц побара дипломатско решение и повлекување на руските трупи од Украина.

Песков изрази уверување дека односите меѓу Москва и Берлин се на ниско ниво, не поради Русија, и дека моментално нема заеднички прашања за дискусија.

Шолц, пак, во јуни рече дека не може да ги исклучи идните разговори со Путин, но само ако постои конкретна тема за дискусија.