Дваесет и седум физички лица и три правни се опфатени досега во истрагата за пожарот во дискотеката „Пулс“ во Кочани. Истражни постапки има и против седум полициски службеници од СВР Штип и ПСОН Кочани.

Одреден е притвор за 24 лица, меѓу нив се двајца поранешни градоначалници на Кочани – Ратко Димитровски и Николчо Илијев, потоа градоначалникот во оставка Љупчо Папазов, како и поранешниот министер за економија, Крешник Бекштеши.

Поднесени се и две кривични пријави против 34 физички и три правни лица за кривично дело „тешки дела против општата сигурност“ по член 292 во врска со „предизвикување општа опасност“ по член 288 од Кривичниот законик. Едно лице е пријавено и за „примање поткуп“ по член 357 од КЗ.