Истакнатиот млад пијанист Арда Мустафаоглу e примен на Универзитетот во Хамбург, како прворангиран со максимален број освоени поени. Арда Мустафаоглу е примен на студии на Факултетот за музика и театар, кој е дел од Универзитетот во Хамбург , што важи за еден од педесетте највисоко рангирани светски универзитети од областа на уметностите.
Интензивните подготовки со проф. д-р. Милица Шкариќ, придонесоа Арда да се претстави со извонредна изведба на дела, во двете етапи на приемниот испит пред комисијата составена од врвни светски пијанисти.
Арда Мустафаоглу е единствениот примен студент во прва година, кој ќе студира во класата за пијано, на една од најдобрите концертни пијанисти на денешницата, Ана Виницкаја.
![logo@2x[1]](https://telma.idesign.mk/wp-content/uploads/2026/07/logo@2x1.png "logo@2x[1]"){kind=logo}