Во пресрет на 11 Октомври, датумот кога пред 79 години започнало народното антифашистичко востание во земјава, денеска беше промовиран туристички водич на 5 јазици, за спомениците кои сведочат на борбата против фашистичките окупатори и архитектонските објекти во бруталистички стил, подигнати меѓу 1960 и 1980 година. Во публикацијата се застапени 16 објекти од Скопје и 9 од внатрешноста, меѓу кои е и „ Спомен констурницата “ во Велес, која ќе се промовира како Македонска Герника.

Туристичкиот водич, кој е дополнет со мобилна апликација, веб страница и сувенири, е наменет за новата туристичка тура, насловена Монументал.МК, чија цел е поттикнување на локалниот развој преку културниот туризам и стекнување економски бенефит со привлекување на странските и домашните туристи.

Во видеото проследете ги изјавите на Мишо Докмановиќ- лидер на  Монументал.мк и Билјана Пејоска Ристеска- извршен директор на Стопанската комора за туризам на Македонија.