Претседателката на Европската централна банка, Кристин Лагард изјави дека инфлацијата станува сè понестабилна поради шокови како пандемијата и војната во Украина. На конференцијата во Синтра рече дека централните банки мора да предвидуваат и екстремни сценарија и отворено да ги споделуваат со јавноста.

Таа предупреди дека компаниите сè почесто ги менуваат цените поради постојана неизвесност, што е структурна промена. И покрај тоа што инфлацијата падна на 1,9% во мај, закани како нови царини од САД носат дополнителна нестабилност.