Увидот во кабарето „Пулс“ е завршен, но продолжуваат вештачењата, аналзите и проверките на  терен, информираат од обвинителството.

До овој момент се издадени наредби, но за анализа на податоци од преку 70 мобилни телефони и 30-тина компјутери.

На еден од четворицата осомничени од прошиената истрага за трагедијата во „Пулс“ кои викендот добија притвор, мерката му е сменета со куќен притвор.

Од кочанскиот суд потврдија дека за останатие пет жалби одлуката е потврдена.

Телма дознава дека замена на мерката притвор со куќен добила пазарната инспекторка.

Адвокатот на екс министрите за економија Бектеши и Незири, Еленко Миланов тврди дека лиценците за „Пулс“ кои биле одобрени во мандатот на неговите клиенти биле со комплетна документација. Бектеши е во притвор од почетокот на истрагата и сега обвинителството бара продолжување на мерката, а Незири е во куќен притвор од викендот.